Naija News
Tory Update:
The second baba for the kontri, Kashim Shettima, talk say 8k go make the naija youths blow!
Our Vice President don yarn say ₦8,000 no be just money if pesin get focus and direction. E talk say di money fit be foundation wey go help youths build wealth, influence, and beta future.
E still point out say wit di right tools and guidance, youths fit turn dat ₦8,000 into big success wey go shock everybody. Di government don launch one program dem call PHENOM, wey dem say go help young Nigerians use small money do big things.
But di mata don cause wahala for social media. Many Nigerians dey laugh say, “Wetin ₦8,000 fit do for dis kain hardship? E no fit even reach buy food or pay transport sef!” Some people dey use di yarns do meme and joke, while others dey para say di government no sabi wetin ordinary people dey face.
Still, some people dey talk say na motivation di VP wan give, make youths no dey wait for big money before dem start hustle.
How you see am? You feel say ₦8,000 fit really be “gateway to opportunity,” or di VP no just understand wetin dey happen for street?
